У МЗС Беларусі на Новы год павесілі міністра на ялінку
Міністр Рыжанкоў у выглядзе цацкі / фота са старонкі МЗС у Фэйсбуку
Міністэрства замежных спраў Беларусі да свайго навагодняга віншавання ў Фэйсбуку дадало неадназначнае фота.
На ім бачна, як на ялінцы вісіць міністр Максім Рыжанкоў, зроблены ў выглядзе цацкі.
Фота выклікала неадназначную рэакцыю ў каментатараў. Экс-супрацоўнік МЗС Андрэй Бушыла абурыўся: "Міністра нельга вешаць".
Наталля Ляўсенка са здзіўленнем запыталася: "Гэта дакладна старонка МЗС ці нейкі фэйк? Міністр на фота?.. Хто так здзекуецца???"
