Да +23 градусаў будзе ў Беларусі ў аўторак

У аўторак, 15 красавіка, у Беларусі прагназуецца пераменная воблачнасць, паведамляе Белгідрамет.

Месцамі па краіне пройдуць невялікія кароткачасовыя дажджы. Ноччу і зранку ў асобных раёнах будзе слабы туман. Вецер чакаецца паўднёвы, паўднёва-ўсходні ўмераны.

Тэрмометры ўначы пакажуць 5-11 градусаў цяпла, удзень паветра прагрэецца да +17...+23.

Цёплае надвор'е захаваецца і ў наступныя дні. У сераду на большай частцы тэрыторыі краіны пройдуць кароткачасовыя дажджы, месцамі магчымыя навальніцы. У асобных раёнах прагназуюць моцны парывісты вецер.

А ў чацвер па захадзе Беларусі чакаецца да 27 градусаў цяпла.