ЦАХАЛ заклікаў жыхароў Газы пакінуць горад
Газа / khalid kwaik / unsplash
Армія абароны Ізраіля (ЦАХАЛ) у суботу заклікала жыхароў горада Газа пакінуць яго. Палясцінцаў накіроўваюць у гуманітарную зону на поўдзень Сектара Газа — у горад Хан-Юніс.
Прэм'ер-міністр Ізраіля Біньямін Нетаньяху загадаў захапіць Газу як "аплот ХАМАС". Ізраільскія вайскоўцы ўжо некалькі тыдняў вядуць наступ на прыгарады Газы.
Ізраіль патрабуе, каб групоўка ХАМАС вызваліла ўсіх, хто застаўся ў палоне, і здалася. У групоўцы прапануюць адпусціць частку закладнікаў у абмен на часовае спыненне агню, падчас якога будуць весціся перамовы па астатніх палонных. Такое прапанаванне Тэль-Авіў ужо адхіліў у ліпені. Як заявіў 5 верасня Дональд Трамп, ЗША вядуць "вельмі глыбокія" перамовы з баевікамі ў спробе дасягнуць пагаднення паміж урадам Ізраіля і ХАМАС.
