Ізраільская авіякампанія адкрывае рэйсы ў Мінск
Самалёт кампаніі "Аркія" / Shutterstock
Прамыя рэйсы ў Мінск адкрывае ізраільская авіякампанія "Аркія". Яна ўжо абвясціла продаж квіткоў, паведамляе newsru.co.il.
Рэйсы будуць адбывацца двойчы на тыдзень — па панядзелках і пятніцах. Старт прызначаны на 2 лютага. Цяпер квіткі прадаюцца толькі на люты-сакавік. Каштуюць яны ад 240 долараў у адным кірунку.
Ці будзе маршрут дзейнічаць у вяснова-летні сезон, пакуль няясна.
Авіярэйсы з Мінска ў Ізраіль былі перапыненыя ўвесну 2022 года.
