Кіраўніком ізраільскай разведкі прызначаны выхадзец з Беларусі
Раман Гофман / stmegi.com
Рэпатрыянт з Беларусі стане на чале ізраільскай разведкі. Новым кіраўніком легендарнага "Масада" прызначаны ўраджэнец Мазыра, генерал-маёр Раман Гофман.
49-гадовы Гофман займае цяпер пасаду вайсковага дарадцы прэм'ер-міністра Ізраілю Біньяміна Нетаньяху. Кіраўнік урада кажа, што генерал прадэманстраваў "крэатыўнасць, ініцыятыўнасць, хітрасць, глыбокае веданне саперніка, абсалютную абачлівасць і скрытнасць".
Раман Гофман нарадзіўся ў Мазыры ў 1976 годзе. У 1990-м разам з сям'ёй эміграваў у Ізраіль. У 1997 годзе пасля афіцэрскіх курсаў пачаў вайсковую кар'еру і неўзабаве стаў займаць кіроўныя пазіцыі ў Арміі абароны Ізраілю.
