Брэстаўчанін скакаў па чужым аўто і разбіў лабавое шкло (фота)

Як піша "Віртуальны Брэст", аўтамабіль рухаўся ў бок праспекта Рэспублікі, калі раптам невядомы пачаў перабягаць дарогу ў неўсталяваным месцы, праз усю праезную частку. Кіроўца пачаў сігналіць яму і экстрана затармазіў.

Потым невядомы заскочыў на капот, пачаў скакаць па аўтамабілі і біць нагой у лабавое шкло. Разбіўшы яго, ён саскочыў і пачаў біць у прыадчыненую бакавую вадзіцельскую шыбу. Некалькі разоў ён стукнуў у плячо кіроўцу, які нават не паспеў адшпіліць рэмень бяспекі. Пасля гэтага мужчына ўцёк.

Як стала вядома, перад гэтым на стаянцы Вяслярнага канала ў мужчыны быў канфлікт з іншымі людзьмі, і менавіта адтуль ён хутка бег.

У выніку здарэння нанесеная матэрыяльная шкода на суму 4,5 млн рублёў. Па гарачых слядах затрымаць хулігана не ўдалося.

Фота — virtual.brest.by