Больш за 120 мігрантаў спрабавалі незаконна трапіць у Польшчу за мінулыя суткі
На польска-беларускай мяжы / twitter.com/Straz_Graniczna
Больш за 120 мігрантаў спрабавалі незаконна перасекчы беларуска-польскую мяжу на працягу мінулых сутак, паведамляе польская Памежная служба.
Паліцыя вынесла 8 пастаноў з патрабаваннем пакінуць тэрыторыю Польшчы. Аб адным эпізодзе памежнікі расказваюць больш падрабязна.
У раёне вёскі Нарэўка "група з некалькіх чалавек спрабавала прарвацца на тэрыторыю Рэспублікі Польшча праз пашкоджаную раней канцэрціну (калючы дрот)".
Напярэдадні новы канцлер Германіі Олаф Шольц гаварыў аб міграцыйным крызісе і ролі ў ім Аляксандра Лукашэнкі. Шольц, у прыватнасці, адзначыў, што дзякуючы пазіцыі ЕС і працы з краінамі, адкуль ляцяць мігранты, прыток мігрантаў праз Беларусь цяпер "у асноўным спынены".
