Беларусы зноў страляюць: у Мінску мужчына наладзіў "паляванне" на суседа
52-гадовы мінчук стрэліў з гладкаствольнай стрэльбы з балкона ў 33-гадовага мужчыну, які знаходзіўся на вуліцы.
Пацярпелы памёр на месцы. Як паведамляе "Интерфакс-Запад", "стралок" знаходзіўся ў стане алкагольнага ап'янення. Матывы яго ўчынку высвятляюцца.
Падобныя здарэнні са стральбой па сваіх суседзях адбываюцца ў розных рэгіёнах краіны. У чэрвені п'яны мінчук страляў з пнеўматычнага пісталета па людзях на прыпынку грамадскага транспарту і параніў трох чалавек. А ўвечары 2 ліпеня 63-гадовы жыхар Гродна з пнеўматычнай стрэльбы з аптычным прыцэлам параніў жанчыну, якая выбівала дыван.
Фота — minsknews.by
