Беларускіх біятланістаў не пусцяць на Алімпіяду нават у нейтральным статусе

Біятлон, фота ілюстрацыйнае / t.me/olympicteamby/
Міжнародны саюз біятланістаў IBU пакінуў у сіле забарону для нейтральных спартсменаў удзельнічаць у Алімпіядзе ў гэтым відзе спорту. На практыцы гэтыя правілы азначаюць, што ні адзін спартсмен з Расіі і Беларусі не зможа ўдзельнічаць у Алімпійскіх заездах.
МАК адхіліў Беларусь і Расію ад удзелу ў Алімпіядзе праз вайну ва Украіне, палічыўшы Беларусь суагрэсарам. Але ў летняй Алімпіядзе 2023 года беларускія спартоўцы змаглі ўзяць удзел пад нейтральным сцягам і пры ўмове, што яны публічна не выказваліся ў падтрымку вайны ва Украіне.
Для зімовых Алімпійскіх гульняў дзейнічаюць такія ж правілы. Але кіруючыя органы асобных відаў спорту могуць прымаць уласныя рашэнні аб допуску і нядопуску да спаборніцтваў нейтральных спартсменаў. І так як IBU забараняе ўдзел нейтральных спартсменаў, гэта значыць, што зімовыя алімпійскія спаборніцтвы па біятлоне для беларусаў зачыненыя.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.