Беларускі цяжкаатлет заваяваў золата на чэмпіянаце Еўропы
Яўген Ціханцоў заваяваў залатую медаль чэмпіянату Еўропы па цяжкой атлетыцы / noc.by
20 красавіка ў Кішынёве на чэмпіянаце Еўропы па цяжкой атлетыцы беларус Яўген Ціханцоў у вагавой катэгорыі да 102 кг заваяваў залатую медаль.
Беларус абышоў іспанца Руіса, падняўшы штангу вагой 218 кг. У суме двухбор’я ў Ціханцова — 399 кг.
Нагадаем, Яўген Ціханцоў — бронзавы прызёр Алімпіяды ў Парыжы.
Раней на гэтым жа чэмпіянаце ў Малдове бронзу ў двухбор’і заваявала беларуска Сюзанна Валадзько.
Спартоўцы з Беларусі выступаюць у нейтральным статусе. Чэмпіянат у Кішынёве завершыцца 21 красавіка.
Беларусы з Малдовы прывязуць тры залатыя, адзін сярэбраны і тры бронзавыя медалі.
У дваябор’і былі заваяваны дзве ўзнагароды: Яўгеній Ціханцоў стаў чэмпіёнам Еўропы ў вазе да 102 кг, а Сюзанна Валадзько паказала трэці вынік у катэгорыі да 71 кг.
Таксама ў актыве каманды пяць малых медалёў у асобных практыкаваннях: Ціханцоў узяў залатыя медалі ў рыўку і штуршку, Валадзько стала другой у штуршку, а бронзавымі прызёрамі ў рыўку сталі Дыяна Майсевіч (да 64 кг) і Андрэй Фралоў (да 81 кг).
