Беларуская кампанія ўвозіць медыцынскую тэхніку ў Расію па шэрых схемах

Пры гэтым "Пэрспектыўныя інвестыцыі кампаніі" зарэгістраваны як рэкламнае агенцтва, якое не мае нават сайта ці іншых кантактаў, звязаных з дзейнасцю ў сферы медыцынскай тэхнікі. Расследавальнікі звяртаюць увагу на характэрныя прыкметы кампаній-пустышак, якія выкарыстоўваюцца для абыходу санкцый і ўтойвання рэальных аперацый.

ТАА "Пэрспектыўныя інвестыцыі кампаніі" таксама ўдзельнічала ў пастаўках для іншых расійскіх імпарцёраў, напрыклад, для зарэгістраванай у Алтайскім краі кампаніі "МРТ 10". Гэтая фірма належыць сваячцы ўладальніцы аўстрыйскага пастаўшчыка AKoR, што робіць схему яшчэ больш сумнеўнай.

Рызыкі шэрага імпарту

Шэры імпарт па такіх схемах, паводле даных "Транспэрэнсі Інтэрнэшнл", звязаны з шэрагам праблем. Асноўныя з іх — адсутнасць сертыфікатаў бяспекі і рызыкі для здароўя пацыентаў праз неналежную транспарціроўку абсталявання.

Паводле заяў расследавальнікаў, сям'я Шыкіных і іх звязаныя кампаніі працягваюць выкарыстоўваць Беларусь і Казахстан, каб абыходзіць санкцыі і пастаўляць медыцынскую тэхніку ў Расію.