Байдэн падпісаў пратаколы аб прыёме Фінляндыі і Швецыі ў NATO
Джо Байдэн падпісаў пратаколы аб ратыфікацыі ў ЗША дамоўленасцяў аб прыёме Фінляндыі і Швецыі ў склад NATO.
ЗША сталі 23-й краінай альянсу, якая ратыфікавала ўступленне новых чальцоў. Агулам у NATO 30 краін. На цяперашні час заяўку Фінляндыі і Швецыі яшчэ не ратыфікавалі Іспанія, Грэцыя, Партугалія, Славакія, Чэхія, Венгрыя і Турцыя.
Фінляндыя і Швецыя вырашылі ўступіць у NATO пасля таго, як Расія напала на Украіну.
