Банкі будуць браць камісію за залічэнне грошай на рахункі фізічных асобаў

Ад 1 кастрычніка два беларускія банкі пачнуць браць камісію за залічэнне грошай на рахункі фізічных асоб. Гаворка ідзе пра Беларусбанк і Альфа-банк. Пра новаўвядзенне ў сваіх правілах яны абвяшчалі яшчэ пад канец жніўня.

Альфа-банк уводзіць камісію за залічэнне грошай у беларускіх рублях, калі яны паступілі з банкаў-нерэзідэнтаў Беларусі (за выключэннем пераводаў праз сістэму BISS/СМП трансгранічныя). Таксама камісію будуць браць, калі перавод зроблены ў расійскіх рублях — з іншых беларускіх банкаў ці банкаў-нерэзідэнтаў.

У абодвух выпадках камісія складзе 1% сумы, залічанай на рахунак.

У Беларусбанка будзе ўводзіцца наступная камісія на залічэнне на рахункі фізічных асоб безнаяўных грашовых сродкаў (за выключэннем пералічаных з-за мяжы з выкарыстаннем карткі або яе рэквізітаў, у т. л. з дапамогай грашовых пераводаў Visa Direct, Mastercard MoneySend, MoneyExpress):

— на рахункі ў беларускіх рублях: 2% ад сумы, максімум 700 рублёў;
— на рахункі ў замежнай валюце: 2% ад сумы валюты рахунку ў эквіваленце беларускіх рублёў, максімум 700 рублёў.