Аўтобус з 22 пасажырамі трапіў у аварыю пад Баранавічамі

На трасе М-1 пад Баранавічамі ў аварыю трапілі атобус, мікрааўтобус і легкавы аўтамабіль.

44-гадовы брастаўчанін на мінібусе "Пежо" няправільна ацаніў дыстанцыю і ўрэзаўся ў "Аўдзі", якая ехала перад ім у той самай паласе. Ад удару мінібус адляцеў направа на ўзбочыну дарогі, а "Аўдзі" выкінула налева, на паласу сустрэчнага руху. Там аўтамабіль спыніўся, пасля чаго ў яго ўрэзаўся аўтобус MAN.

Пасля другога сутыкнення легкавік "Аўдзі" загарэўся. Яго 34-гадовы кіроўца загінуў.

У аўтобусе ехалі 22 пасажыры. Медыцынская дапамога спатрэбілася 54-гадовай пасажырцы, якую потым адпусцілі дадому.

Міліцыя пачала крымінальную справу.