Арына Сабаленка саступіла ў фінале Australian Open — хет-трык не адбыўся
Сабаленка атрымае 1,2 мільён долараў ЗША / Reuters
Беларуская тэнісістка Арына Сабаленка, першая ракетка свету, не здолела аформіць пераможны "хет-трык" на Адкрытым чэмпіянаце Аўстраліі. У фінале турніру яна саступіла амерыканцы Мэдысан Кіз з лікам 3:6, 6:2, 5:7.
Сабаленка раней двойчы запар станавілася чэмпіёнкай Australian Open — у 2023 і 2024 гадах. Нягледзячы на паразу, Арына захавае статус першай ракеткі свету. Гэта стала вядома ўжо ў чацвер, калі польская тэнісістка Іга Свёнтэк, якая займала другую пазіцыю ў рэйтынгу WTA, выбыла з турніру ў паўфінале.
Пераможца Australian Open-2025 Мэдысан Кіз зарабіла 3,5 мільёна аўстралійскіх долараў (прыкладна 2,2 мільёна долараў ЗША). Арына Сабаленка, у сваю чаргу, атрымала на мільён долараў ЗША менш.
The Keys to victory!@Madison_keys caps an incredible fortnight with a breakthrough Grand Slam title!
— #AusOpen (@AustralianOpen) January 25, 2025
She beats Collins, Rybakina, Svitolina, Swiatek and Sabalenka to claim the crown.@wwos • @espn • @eurosport • @wowowtennis • #AusOpen • #AO2025 pic.twitter.com/p2RdID6JQc
