Анжаліку Мельнікаву штрафавалі за пратэсты 2020-га
Анжаліка Мельнікава / Еўрарадыё
Анжаліку Мельнікаву не каралі за пратэсты ў 2020-м? Гэта не так. Суткі яна сапраўды не сядзела, але штрафы плаціла.
Еўрарадыё пры дапамозе BELPOL пераправерыла інфармацыю, якую "Вясна" паведаміла калегам з DW. Праваабаронцы не знайшлі нічога пра затрыманні ці штрафы Мельнікавай, хаця яна раней распавядала пра іх. Але згодна з базамі, якія ёсць у суполкі былых сілавікоў, на Мельнікаву складалі два пратаколы і выпісвалі штрафы.
Да таго ж, яе аб'яўлялі ў вышук за "абразу міліцыянта".
Чаму гэтай інфармацыі няма ў праваабаронцаў? Магчыма, яны ўлічвалі толькі тыя пратаколы, якія завяршыліся суткамі.
Пра тое, што знікла спікерка Каардынацыйнай рады Анжаліка Мельнікава, стала вядома 28 сакавіка. 19 і 25 сакавіка яе тэлефон знаходзіўся на тэрыторыі Беларусі. Разам з Мельнікавай зніклі і яе дзеці. Высветлілася, што Анжаліка Мельнікава мае польскі пашпарт — разам з беларускім.
