Амаль нічыя: ніхто не бярэцца прагназаваць вынікі выбараў у Польшчы

У нядзелю 1 чэрвеня ў Польшчы пройдзе другі тур выбараў прэзідэнта. У выбарчым бюлетэні — прозвішчы кансерватара Караля Наўроцкага і ліберала Рафала Тшаскоўскага. Сітуацыя надзвычайная: сацыёлагі даюць абодвум амаль роўныя шанцы.

Паводле апошніх апытанняў, розніца паміж кандыдатамі не выходзіць за межы статыстычнай памылкі — часам складае ўсяго 0,2%.

Сёння ні адзін з палітычных аглядальнікаў не бярэцца з упэўненасцю адказаць на пытанне: «хто пераможа на выбарах у Польшчы?». Некаторыя палітолагі адзначаюць, што на вынік могуць уплываць дзясяткі фактараў — ад яўкі ў вялікіх гарадах і за мяжой да надвор’я.