Амаль 100 замежнікаў дэпартавалі з Грузіі ў сакавіку, сярод іх ёсць і беларусы

У сакавіку 2025-га з тэрыторыі Грузіі дэпартавалі 97 іншаземцаў. Такую статыстыку паведаміла Міністэрства ўнутраных спраў краіны, перадае Радыё Свабода.

"Некаторыя іншаземныя грамадзяне пакінулі Грузію добраахвотна, а іншыя былі прымусова высланыя з краіны ў выніку мер Дэпартаменту па міграцыі. Высланым асобам забаронены ўезд у краіну ў адпаведнасці з заканадаўствам", — заяўляюць у ведамстве.

У МУС назвалі краіны, чые грамадзяне былі дэпартаваныя: Індыя, Беларусь, Кітай, Таджыкістан, Азербайджан, Расія, Бангладэш, ЗША, Ірак, Іран, Нігерыя, Туркменістан, Турцыя, Егіпет, Пакістан, Камерун, Іярданія, Кыргызстану. Пры гэтым грузінскі бок не ўдакладніў колькасьць высланых грамадзян кожнай канкрэтнай краіны.

Грузінскае заканадаўства дазваляе грамадзянам Беларусі могуць знаходзіцца на тэрыторыі краіны цягам аднаго года.

На пачатку 2025-га ў Грузі пражывалі прыблізна 12 тысяч грамадзян Беларусі. За апошнія пяць гадоў улады Грузіі не далі палітычнага прытулку ні аднаму грамадзяніну Беларусі. Але 26 сакавіка суд у Тбілісі адмяніў рашэнне міграцыйнага дэпартамента, які адмовіў у прытулку беларускаму праваабаронцу Раману Кісляку. Цяпер прашэнне аб прытулку павінны перагледзець.