Адкрыта перадзамова на “Пашпарт вандроўніка па Беларусі”

Выдавецтва “Колоград” падрыхтавала да друку адметнае выданне — “Пашпарт вандроўніка па Беларусі”, паведамляе bellit.info. Гэта асабісты турыстычны дакумент, у якім можна адзначаць кожнае месца, наведанае падчас падарожжаў па краіне.

Унутры “дакумента” — топ-65 унікальных лакацый:  замкі, сядзібы, храмы, прыродныя помнікі  і іншыя выбітныя мясціны. За кожнае наведанае месца ўладальнікі “пашпарту” атрымліваюць спецыяльны штамп.

У аснове дызайну “Пашпарта вандроўніка па Беларусі” — сярэднявечныя гравюры і ілюстрацыі выкананыя беларускімі мастакамі. “Пашпарт” зроблены так, каб натхняць на вандроўкі, праходжанне квэстаў, збор прызоў, а праз гэта — адкрываць Беларусь з новага боку.

Перадзамовіць можна праз адмысловую форму.