Ад пылка беларускіх бяроз пакутуюць жыхары Ісландыі — навукоўцы
Цвіценне бярозы, ілюстрацыйнае фота / pixabay.com
Жыхары Ісландыі пакутуюць ад пылку беларускіх бяроз. Да такой высновы прыйшла група польскіх і ісландскіх навукоўцаў. Іх даследаванне апублікаванае ў свежым нумары часопіса Agricultural and Forest Meteorology, заўважыў тг-канал "Беларуская навука".
Пылок бяроз вядомы як моцны алерген. Вынікі даследавання паказваюць, што яго перанос на вялікія адлегласці з Усходняй Еўропы робіць значны ўнёсак у пылковую нагрузку Ісландыі. Прычым часта пылок паступае туды перадсезонна. Часам яго канцэнтрацыя перавышае клінічны парог.
Цэнтр распаўсюду бярозы ў Еўропе знаходзіцца ў Беларусі, заходняй Расіі, Латвіі, Эстоніі ды скандынаўскіх краінах. Адтуль пры спрыяльных умовах алергена пераносіцца на вышыні 1000 і 1500 м над узроўнем мора.
Калі гаварыць пра пылок, зарэгістраваны ў Ісландыі напярэдадні мясцовага сезону цвіцення бярозы, асноўную крыніцу для Рэйк'явіка складалі Польшча, Беларусь і Літва, канстатуюць навукоўцы.
