17-гадовы віцяблянін на першым спатканні стрэліў у дзяўчыну з "пнеўматыкі"
У Віцебску ў лякарню хуткай меддапамогі звярнулася 18 гадовая дзяўчына з ранай на правай назе. Медыкі выявілі, што гэта рана ад пнеўматычнага пісталета, і паведамілі ў міліцыю, паведамляе прэс-служба ГУУС Віцебскага аблвыканкама.
Высветлілася, што дзяўчына пазнаёмілася ў сацсетках з 17-гадовым юнаком. Пасля надоўгай перапіскі маладыя людзі дамовіліся пра спатканне каля Віцьбы. Падчас сустрэчы хлопец дастаў пнеўматычны пісталет і стрэліў у бок дзяўчыны.
На допыце юнак прызнаўся ў зробленым, але не змог патлумачыць прычыну свайго ўчынку. На яго пачалі крымінальную справу.
