10 тысяч рублёў заплаціць дарожная служба за праезд цяжкой тэхнікі па дарогах
Аўтакран, ілюстрацыйнае фота / pixabay.com
Пракуратура Сенненскага раёна праверыла адзін з дарожных філіялаў і выявіла сур'ёзныя парушэнні. За незаконны праезд цяжкавагавай тэхнікі па дарогах агульнага карыстання пракурорскія работнікі запатрабавалі заплаціць амаль у дзяржаўны бюджэт амаль 10 тысяч рублёў, паведамілі ў прэс-службе ведамства.
Праверка выявіла 38 выпадкаў, калі цяжкавагавая тэхніка ехала па агульных дарогах без спецыяльнага дазволу. Пераважна гэта адбывалася пры перавозцы пяску і асфальту.
Таксама праверка выявіла і іншыя парушэнні. Напрыклад, узімку наймальнік не забяспечваў кіроўцам штотыднёвы бесперапынны адпачынак. Рамонт транспарту выконваўся без спецадзення, перад рэйсамі не праводзіўся абавязковы агляд кіроўцаў, а дзейнасць камісіі па бяспецы дарожнага руху пры філіяле вялася неналежным чынам.
