Завуча мінскай гімназіі і яе дачку асудзілі на два гады калоніі за пратэсты
12 красавіка суд Ленінскага раёна Мінска вынес прысуд па справе палітзняволеных маці і дачкі — Святланы і Яны Хромавых, паведамляюць праваабаронцы.
Суддзя Марына Клімчук прызнала іх вінаватымі паводле ч.1 арт. 342 (арганізацыя і падрыхтоўка дзеянняў, якія груба парушаюць грамадскі парадак, або актыўны ўдзел у іх). І маці, і дачка прысуджаныя на два гады калоніі агульнага рэжыму.
У віну ім паставілі ўдзел у трох маршах пратэсту.
Святлана Хромава была намесніцай дырэктара мінскай гімназіі №42. Яе разам з дачкой затрымалі 22 снежня 2021 года.
