Затрыманы трэнер, якога абвінавачваюць у сексуальных злачынствах у Віцебску
У Расіі затрымалі 55-гадовага трэнера па плаванні, якога абвінавачваюць у сексуальных злачынствах у Беларусі. Па звестках МУС нашай краіны, мужчына згвалціў як мінімум 12 хлопчыкаў. Правяраецца яго датычнасць да пяці аналагічных фактаў.
Трэнера шукалі з 2013 года, калі ён збег з Беларусі (тады ўжо ішло следства). Затрымалі яго ў Маскве. Робяцца захады па экстрадыцыі ў Беларусь.
