Як Лукашэнка рыхтуе Беларусь да вайны — аналітычны даклад
Рэжым Лукашэнкі перабудоўвае краіну пад патрэбы Крамля / ВоенТВ
Пачынаючы з 2022 года, рэжым Лукашэнкі імкліва пераводзіць Беларусь на ваенныя рэйкі, фактычна мабілізуе дзяржаву, максімальна інтэгруючы яе ў ваенныя планы Расіі. Пра гэта гаворыцца ў аналітычным дакладзе, падрыхтаваным Аб’яднаным пераходным кабінетам.
Еўрарадыё пераказвае асноўныя тэзісы і высновы дакладу.
Перабудова сістэмы ўлады пад ваенны сцэнар
Лукашэнка змяніў Канстытуцыю і ўзмацніў ролю Усебеларускага народнага сходу, які цяпер можа зацвярджаць рашэнне аб уступленні Беларусі ў вайну. Уведзена магчымасць выкарыстання арміі за мяжой. Абноўленая ваенная дактрына прадугледжвае апераджальныя ўдары і ваенныя дзеянні ў інтарэсах саюзнікаў — у першую чаргу, Расіі.
Змены ў арміі Беларусі
Колькасць узброеных сіл Беларусі вырасла да 63 тысяч чалавек, у планах — дасягнуць 80 тысяч. Ствараецца народнае апалчэнне колькасцю да 150 тысяч чалавек.
Спрошчана мабілізацыя: павестку можна атрымаць праз SMS, уручаць яе могуць нават прадстаўнікі мясцовых уладаў або КДБ.
