Вызваленыя палітзняволеныя Андрэй Кузнечык і Алена Маўшук

Вызваленыя палітзняволеныя Андрэй Кузнечык і Алена Маўшук. Яны ўжо знаходзяцца ў Літве, паведамляе прэс-служба Святланы Ціханоўскай. Таксама ў РБ вызвалены грамадзянін ЗША, яго прозвішча пакуль не называецца.

Вясной 2021-га ў Брэсце Маўшук была асуджана на 6 гадоў калоніі за ўдзел у пратэстах у Пінску ў жніўні 2020-га. Яе муж Сяргей Маўшук асуджаны на 6,5 года калоніі.

Кузнечык — журналіст-фрылансер. Быў затрыманы ў лістападзе 2021 года. У чэрвені 2022-га асуджаны на 6 гадоў калоніі ўзмоцненага рэжыму. У Вільні Андрэя Кузнечыка сустракалі жонка Алеся і дзеці — 5-гадовы Мацвей і 11-гадовая Яніна (на здымку знізу).

"Я вельмі ўдзячная Прэзідэнту Трампу, дзяржсакратару Рубіа і дзярждэпартаменту ЗША за супольныя намаганні, якія зрабілі гэта магчымым", — піша Ціханоўская.