Выйшаў на волю палітвязень Арцём Антонаў
У Беларусі больш за 1200 палітвязняў / bchd.info
Выйшаў на волю палітвязень Арцём Антонаў. Сын журналіста і пісьменніка з Быхава Сяргея Антонава (аўтара кніг з серыі "Метро 2033") быў за кратамі з канца 2023 года. Як піша Mayday.team, днямі хлопца бачылі на вуліцах горада. Знаёмыя кажуць, што Антонава не пазнаць праз моцную худобу.
Арцёма Антонава затрымалі ў Быхаве адразу пасля таго, як яго бацька пакінуў Беларусь. Пісьменнік выехаў з Беларусі пасля ператрусу, канфіскацыі абсталявання, допыту ў КДБ і адміністрацыйнага арышту.
У красавіку мінулага года Арцёму Антонаву прысудзілі 1 год і 6 месяцаў калоніі агульнага рэжыму. Яго прызналі вінаватым у "абразе Лукашэнкі". Ён адбыў тэрмін цалкам. Праваабаронцы прызналі Антонава палітвязнем.
