Вязням, якія ўтрымліваюцца ў СІЗА, забаранілі перадаваць і дасылаць медыкаменты
Акрэсціна / Еўрарадыё
Гэта новае указанне дэпартамента выканання пакаранняў. Яно з’явілася яшчэ ў красавіку, але вядома пра яго стала цяпер.
— Некалькі дзён сваякі зняволеных, якіх утрымліваюць у розных следчых ізалятарах і турмах, былі занепакоены тым, што ў іх не прымаюць медыцынскія перадачы, а медыцынскія бандэролі вяртаюцца назад, — паведамляюць праваабаронцы “Вясны”.
Паводле ўказання ДВП, вязням, якія ўтрымліваюцца пад вартай, дазволена перадаваць толькі вітамінна-мінеральныя комплексы (не больш за адну ўпакоўку) і інсулін замежнай вытворчасці.
Аб'ява аб зменах / "Вясна"
— Палітзняволеным неабходную медыцынскую дапамогу ў месцах зняволення амаль не аказваюць, таму медыцынскія перадачы былі для сваякоў адзіным спосабам дапамагчы блізкаму, — падкрэслівае “Вясна”.
