Вук Рашавіч можа ачоліць зборную Чарнагорыі па футболе
Галоўны трэнер мінскага “Дынама” Вук Рашавіч можа ачоліць зборную Чарнагорыі па футболе, паведамляе Прессбол са спасылкай на спартовыя СМІ. 42-гадовы сербскі спецыяліст павінен паехаць на перамовы ў Чарнагорыю пасля завяршэння сезона ў мінскага “Дынама”.
Вук Рашавіч далучыўся да мінскага “Дынама” ўвосень 2014 года, а ў снежні таго ж года стаў спартовым дырэктарам клуба. Сёлета ў траўні афіцыйна стаў галоўным трэнерам каманды. Пад яго кіраўніцтвам “Дынама” выйшла ў групавы этап Лігі Еўропы і ўжо забяспечыла сабе серабро ў сёлетнім чэмпіянаце Беларусі.
Фота: УЕФА
