ВМС Украіны паведамляюць пра знішчэнне яшчэ аднаго расійскага карабля
Буксір "Васілій Бех"
Ваенна-марскія сілы Украіны трапілі ў расійскі буксір "Васілій Бех" з ЗРК "Тор" на борце. Удар быў нанесены, калі буксір вёз на востраў Змяіны боепрыпасы, зброю і асабісты склад, гаворыцца ў паведамленні ВМС Украіны.
У твітары і тэлеграме з'явілася відэа, на якім, як сцвярджаецца, у расійскі буксір двойчы трапляюць ракеты.
According to the Ukrainian Navy, Russian navy vessel (said to be Rescue Tug Spasatel Vasily Bekh) was struck presumably by anti-ship missile near Snake Island.#Russia #Ukraine pic.twitter.com/p4AB9JDjtc
— BlueSauron (@Blue_Sauron) June 17, 2022
Кіраўнік Адэскай абласной вайсковай адміністрацыі Максім Марчанка пацвердзіў паведамленні пра паспяховую ракетную атаку на расійскі карабель.
"Перадавайце прывітанні камандзе крэйсера "Масква", — напісаў Марчанка ў сваім тэлеграм-канале.
Буксір "Васілій Бех" быў пабудаваны на Астраханскім суднарамонтным заводзе. Яго магутнасць складае 1605 тон. У склад Чарнаморскага флоту Расіі уключаны ў 2017 годзе.
Нагадаем, у красавіку ўкраінскія вайскоўцы паразілі флагманскі карабель расійскага флоту — крэйсер "Масква".
