Ураган пашкодзіў 25 дамоў у аграгарадку ў Чэрыкаўскім раёне
Наступствы ўрагану / МНС
У аграгарадку Майскі ў Чэрыкаўскім раёне Магілёўшчыны навальнічны фронт пашкодзіў 25 дамоў, паведамляе прэс-служба МНС.
Таксама ратавальнікі паведамляюць пра падзенне дрэваў у гэтым паселішчы.
"Пашкоджаныя шыферныя дахі 25 прыватных жылых дамоў, зафіксаваныя 25 выпадкаў падзення дрэваў. Работнікамі МНС і іншых арганізацый праводзіліся работы па распілоўцы і ўборцы паваленых дрэваў", — гаворыцца ў паведамленні МНС.
Пацярпелых пры здарэннях няма. У аграгарадку вядуцца рамонтна-аднаўленчыя работы.
Дарэчы, на сёння ў Беларусі сіноптыкі таксама абвясцілі аранжавы ўзровень небяспекі. Прагназуецца шквалісты вецер і навальніцы.
