У Варшаве памёр праваабаронца і палітуцякач Леанід Свецік
Леанід Свецік / spring96.org
28 чэрвеня ў Варшаве ва ўзросце 59 гадоў раптоўна памёр праваабаронца з Віцебска, сябра БАЖ Леанід Свецік, паведамляе праваабарончы цэнтр "Вясна".
Свецік больш за два дзесяцігоддзі займаўся абаронай правоў чалавека на Віцебшчыне, шмат гадоў узначальваў віцебскае аддзяленне ПЦ "Вясна", удзельнічаў у кампаніях назірання за выбарамі ў Беларусі, уздымаў набалелыя для рэгіёна праблемы і дамагаўся іх вырашэння.
У 2021 годе праваабаронца быў вымушаны пакінуць Беларусь, асцерагаючыся крымінальнага пераследу. У эміграцыі Свецік працягваў займацца праваабарончай дзейнасцю.
