У сталіцы цягам месяцу будуць наводзіць парадак
У гэты час у Мінску будуць займацца добраўпарадкаваннем гарадскіх тэрыторый.
Месячнік па навядзенні парадку пройдзе ў Мінску з 15 сакавіка па 15 красавіка — адпаведнае распараджэнне падпісаў кіраўнік гораду Андрэй Шорац. У гэты час у сталіцы зробяць захады па добраўпарадкаванні і паляпшэнні ўтрымання гарадскіх тэрыторый.
Сярод іншага, старшыня Мінгарвыканкаму запатрабаваў актыўна заняцца ямкавым рамонтам асфальту ў дварах. Асобна згадалі і гаражныя кааператывы, прамысловыя зоны, арганізацыі і прадпрыемствы Мінска, а таксама абекты гандлю, лякарні і ўстановы адукацыі — усе яны павінны паклапаціцца пра парадак на сваіх тэрыторыях, перадае БЕЛТА.
Месячнікі па навядзенні парадку абвяшчаюць у Мінску кожны год. Звычайна да іх прымяркоўваюць суботнікі.
Ілюстратыўнае фота з сайта minsknews.by
