У Пінску шукаюць невядомага стралка па аўтобусах
Пінскі аддзел Следчага камтэту шукае зламысніка, які страляў па грамадскім транспарце.
Як паведамляе тэлеканал “Пінск”, мясцовыя праваахоўнікі просяць гараджан паведаміць інфармацыю пра абстрэл прыгараднага аўтобуса. Здарэнне адбылося напрыканцы верасня ў паўночным мікрараёне Пінска. Увечары невядомы зламыснік з пнеўматычнага пісталета стрэліў у бок аўтобуса, які рухаўся па маршруце “Пінск-Падбалоцце” і пашкодзіў шкло. Следчыя чакаюць дапамогі і абяцаюць прэмію за грунтоўныя звесткі.
Як паведамляла Еўрарадыё, у кастрычніку падобны выпадак адбыўся ў Брэсце. Там стралкі абстралялі з "пнеўматыкі" тралейбус і таксама пашкодзілі шыбу.
Фота — vb.by
