У Пінску “Газэль” дарожнай службы наскочыла на легкавік (фота)
Незвычайнае па наступствах дарожна-транспартнае здарэнне адбылося на адной з самых ажыўлёных вуліц горада.
Па словах відавочцаў, “Таёта” на высокай хуткасці сутыкнулася з мікрааўтобусам дарожнай лабараторыі, які рухаўся ў папутным кірунку. Ад ўдару "Газэль" падкінула і яна літаральна прызямлілася на легкавік.
На месца аварыі прыязджалі выратавальнікі і “хуткая дапамога”. На шчасце, ніхто з людзей не пацярпеў.
