У Мінску затрымалі ІП, які на "шэрых" тэлефонах зарабіў больш за 6 млрд
Міліцыя высветліла, што ён незаконна прадаў больш за 1 тысячу мабільных тэлефонаў.
У Мінску міліцыянеры і падаткавікі затрымалі 31-гадовага індывідуальнага прадпрымальніка. Ён прадаў сотавы тэлефон коштам больш за 2 млн рублёў, на які не меў дакументаў.
Праваахоўнікі правялі праверку і высветлілі, што прадпрымальнік прадаў больш за тысячу мабільных тэлефонаў. На іх не было ідэнтыфікацыйных знакаў. Як інфармуе прэс-служба мінскай міліцыі, за рэалізаваны тавар ІП атрымаў больш за 6 млрд рублёў.
У адносінах індывідуальнага прадпрымальніка склалі пратаколы аб адміністрацыйных правапарушэннях. Мужчыну вінавацяць у незаконнай прадпрымальніцкай дзейнасці, парушэнні правілаў гандлю і патрабаванняў заканадаўства аб маркіроўцы тавараў. На 6 млрд рублёў, атрыманых ад продажу тэлефонаў, накладзены арышт.
Фота: Fotolia
