У Мінску студэнт незаконна гандляваў элітным алкаголем (фота)
Яму пагражае адміністрацыйная адказнасць за незаконную прадпрымальніцкую дзейнасць.
У Мінску студэнт незаконна гандляваў элітным алкаголем. У гэтых мэтах ён карыстаўся сацыяльнымі сеткамі. Падчас правядзення кантрольнай закупкі праваахоўнікі і затрымалі маладога чалавека. Агулам у яго знайшлі 86 літраў віскі і каньяка вядомых гандлёвых марак на агульную суму больш за 44 млн рублёў, інфармуе прэс-служба мінскай міліцыі.
Студэнту пагражае адміністрацыйная адказнасць за незаконную прадпрымальніцкую дзейнасць, а таксама штраф і канфіскацыя тавару. Дарэчы, раней хлопца ўжо прыцягвалі да адказнасці за аналагічнае правапарушэнне.
Фота: guvd.gov.by
