У Магілёве сутыкнуліся аўтобус і тралейбус

У Магілёве, на Пушкінскім праспекце, насупраць Палаца культуры вобласці 6 красавіка адбылася аўтааварыя. Як піша "СБ — Беларусь сегодня", кіроўца аўтобуса маршрута №238 "Магілёў — Усход" сутыкнуўся з тралейбусам, які спыніўся перад пешаходным пераходам.

У выніку аварыі давялося шпіталізаваць дзвюх пасажырак тралейбуса. 13-гадовую васьмікласніцу шпіталізавалі ў дзіцячую траўматалогію з пашкоджаннем звязак ногі. А 37-гадовую жанчыну паклалі ў нейрахірургію гарадской лякарні. Паведамляецца, што жанчына ў момант сутыкнення аўтобуса і тралейбуса павалілася і стукнулася галавой.

Прычыны аварыі яшчэ высвятляюцца. Паведамляецца, што дасведчаны 52-гадовы кіроўца аўтобуса ў нейкі момант страціў увагу, не абраў бяспечную дыстанцыю і ўрэзаўся ў тралейбус.

Фота з сацыяльных сетак