У Карэлічах адбылася аблава сілавікоў
Затрымлівалі і на працы, і па месцы жыхарства (ілюстрацыйнае фота)
У Карэлічах у Гродзенскай вобласці адбылася аблава сілавікоў. Паводле папярэдняй інфармацыі, якую атрымалі праваабаронцы, затрымалі дзевяць чалавек. Прычынай затрымання называюць "лайкі і рэакцыі ў месенджарах і сацыяльных сетках".
Таксама ў сераду стала вядома пра затрыманні ў Ваўкавыскім раёне. Людзей затрымлівалі не толькі па месцы жыхарства, але і каля прахадных прадпрыемстваў, дзе яны працавалі.
