У Дудутках прайшоў фестываль, які спрабавала адмяніць Бондарава
"Свята Сонца" ў Дудутках 14 чэрвеня 2025 года / Tochka.by
У Дудутках прайшоў фестываль, які спрабавала адмяніць даносчыца Вольга Бондарава.
"Свята сонца" праводзілася ў восьмы раз, мерапрыемства прысвечана летняму сонцастаянню. Як піша tochka.by, гасцей чакалі абрады купання, пляценне вянкоў, танцы русалак, батлейка, чароўнае Дрэва жаданняў і канцэрт з удзелам Івана Кірчука, гуртоў GUDA, "Сарматы", Fishtank, "Дудараў" і іншых.
Глядзіце, як гэта было.
Бондарава пачала змагацца з фестывалем у Дудутках у сакавіку, назваўшы мерапрыемства "неапаганскім шабашам са свастыкай і рунамі". Пасведчанне на правядзенне "Свята Сонца" ўлады спачатку анулявалі, але затым раздумалі.
