У Цвяры згарнулі здымкі кіно — расіян абурылі ўкраінскія сцягі ў іх горадзе
Бронетэхніка з украінскімі сцягамі ў расійскім горадзе / Telegram
У Цвяры згарнулі здымкі мастацкага фільма пра вайну — расіян абурылі ўкраінскія сцягі ў іх горадзе. У выніку мясцовыя ўлады прынялі рашэнне спыніць працу здымачнай групы, якая выклікала ў жыхароў "негатыўныя эмоцыі". Губернатар Ігар Рудзеня іх падтрымаў.
Жыхары Цвяры заўважылі ваенную тэхніку з украінскімі сцягамі ў сваім горадзе 26 лістапада. Не ўсе адразу зразумелі, што здымаецца кіно. Дарэчы, адлегласць ад Цвяры да Масквы па прамой — 162 км.
Фільм, які спрабавалі здымаць у Цвяры, мае назву "Музыкант". Раней яго ўхвалілі Мінабароны і Мінкультуры РФ.
