У чацвер спартоўцы галасавалі датэрмінова цэлымі камандамі
У "электаральным мерапрыемстве" ўдзельнічаюць хакеісты "Нёмана" / vk.com/hcneman
У чацвер у Беларусі спартоўцы галасавалі датэрмінова цэлымі камандамі. На ўчасткі прыводзілі і футбалістаў, і хакеістаў.
Хакейны клуб "Нёман" (Гродна) галасаваў на чале з гендырэктарам Аляксандрам Крыскіным. За ім у чарзе стаялі трэнеры і гульцы.
У поўным складзе "праявілі сваю грамадзянскую пазіцыю" ХК "Юнацтва" (Мінск) і ХК "Дынама-Мінск". А хакеісты "Гомеля" ў сацсетках заклікалі ісці на "выбары" яшчэ і іншых.
Датэрмінова прагаласавалі трэнеры і гульцы футбольнага клуба "Смаргонь". "Нягледзячы на тое, што ў нас вельмі шчыльны графік трэніровак і таварыскіх матчаў, мы знайшлі час для галасавання, каб падтрымаць свайго кандыдата", — сказаў у каментары раённай газеце трэнер каманды Леанід Ковель.
Трэнеры і футбалісты гродзенскага "Нёмана" схадзілі да ўчастак яшчэ напярэдадні.
