У Беларусі з'явіцца магчымасць запісацца ў дзіцячы садок праз электронны сервіс

У Беларусі з'явіцца магчымасць запісацца ў дзіцячы садок праз электронны сервіс. Пра гэта паведаміў міністр адукацыі Андрэй Іванец. Паводле яго слоў, новаўвядзенне дазволіць бацькам значна спрасціць працэс падачы заяў і адсочваць іх статус.

"Ставім сур'ёзную задачу перавесці ў электронны выгляд такія адміністрацыйныя працэдуры, як пастаноўка на ўлік ва ўстанову дашкольнай адукацыі, каб у бацькоў не было неабходнасці выходзіць кудысьці, нават у службу "Адно акно", — цытуе словы міністра sb.by. — І, адпаведна, выдачу накіраванняў ва ўстанову дашкольнай адукацыі таксама плануем перавесці ў электронны выгляд, для таго каб бацькі маглі быць упэўнены, у які дзіцячы садок пойдзе іх дзіця".