У Беларусі прызналі палітвязнямі яшчэ 11 чалавек

У Беларусі прызналі палітвязнямі яшчэ 11 чалавек. Гэта — Андрэй Шабуня, Мікалай Сідараў, Вераніка Жалубоўская, Алег Шылаў, Раман Емельянаў, Алег Самародскі, Ірына Стасенка, Ягор Барыскевіч, Павел Мінчык, Дзмітрый Сідарэнка і Дзмітрый Скубілаў. Праваабаронцы лічаць іх справы палітычна матываванымі і патрабуюць вызвалення.

Самародскі асуджаны па абвінавачванні ў "распальванні іншай сацыяльнай варожасці або варожасці", "закліках да санкцый" і ва "ўдзеле ў экстрэмісцкім фармаванні". Стасенка — па абвінавачваннях у "абразе Лукашэнкі", "паклёпе" на яго, у "распальванні варожасці". Барыскевіч — па абвінавачванні ў "распальванні іншай сацыяльнай варожасці". Як і Мінчык (яго таксама абвінавацілі ў "абразе Лукашэнкі"). Такія ж абвінавачванні і ў Сідарэнкі. Шабуні, Сідараву, Жалубоўскай выстаўленыя абвінавачванні па артыкуле "Групавыя дзеянні, якія груба парушаюць грамадскі парадак", Шылаву і Емельянаву — "масавыя беспарадкі". Скубілава па абвінавачванні ў "дзяржаўнай здрадзе" асудзілі на 9 гадоў калоніі.

Агульная колькасць палітычных зняволеных зноў большая за 1200. Але гэта толькі тыя, каго прызналі праваабаронцы. Насамрэч палітвязняў у РБ значна больш.