У аўторак у Беларусі прагназуюць туман

У аўторак, 7 кастрычніка, у Беларусі чакаецца воблачнае з праясненнямі надвор'е, паведамляе Белгідрамет.

Уначы істотных ападкаў не прагназуецца, а зранку і ўдзень месцамі па краіне пройдуць невялікія дажджы. Уначы і зранку ў асобных раёнах чакаецца туман. Вецер будзе няўстойлівы слабы.

Тэрмометры ўначы пакажуць 2-8 градусаў вышэй за нуль, удзень паветра прагрэецца да +11...+17 градусаў.

У сераду, 8 кастрычніка, месцамі па краіне пройдуць кароткачасовыя дажджы. Вецер будзе няўстойлівы — ад слабога да ўмеранага.

Уначы прагназуецца 1-7 градусаў цяпла, па ўсходзе Беларусі будзе да +9 градусаў. Удзень тэрмометры пакажуць 10-16 градусаў вышэй за нуль.