Тейлар Свіфт і Тревіс Келсі абвясцілі пра заручыны
Тейлар Свіфт і Тревіс Келсі / @taylorswift
Певіца Тейлар Свіфт абвясціла пра свае заручыны з гульцом амерыканскага футбола Тревісам Келсі. Тейлар паведаміла пра гэта ў сацсетках, і яе публікацыя набрала больш за 26 млн лайкаў.
Паведамленне спявачка ілюстравала здымкам, на якім Келсі становіцца на адно калена, каб зрабіць ёй прапанову. На іншым фота фанаты змогуць убачыць заручальны пярсцёнак: дыямант агранкі "кушон" на залатым абадку.
"Ваша настаўніца англійскай мовы і настаўнік фізкультуры пажэняцца", — напісала Тейлар, робячы аб’яву.
Да посту ў Instagram прымацаваная балада Свіфт So High School з альбома Tortured Poets Department.
"Кожны раз, калі я гляджу на цябе, я адчуваю сябе вучаніцай старэйшых класаў", — спявае Свіфт.
Па чутках, яна напісала гэтую песню менавіта пра Келсі.
