Сябар сям'і ў масцы спрабаваў абрабаваць віцебскага пенсіянера

У Віцебску 7 сакавіка адбылося крымінальнае здарэнне. У міліцыю затэлефанаваў 63-гадовы пенсіянер і паведаміў, што ў яго кватэру спрабаваў уварвацца невядомы мужчына, узброены абрэзам стрэльбы. Аднак гаспадар кватэры аказаў супраціў, таму нападнік уцёк.  

Па словах пенсіянера, рабаўнік быў апрануты ў маску для вачэй, таму ён не разгледзеў твар. Аднак ён добра запомніў, у што быў апрануты зламыснік, яго рост і целасклад, паведамляе БелаПАН.

Неўзабаве міліцыянты затрымалі падазраванага па гарачых слядах. Пры асабістым доглядзе ў мужчыны знайшлі шапачка з прарэзамі для вачэй, а таксама абрэз паляўнічай стрэльбы.

Выявілася, што 36-гадовы падазраваны быў сябрам сям'і пацярпелага і калегам яго зяця. Нападнік ведаў, што пенсіянер трымае дома нейкія назапашаныя грошы. Каб гаспадар кватэры не пазнаў яго, нападнік не толькі схаваў твар, але і спрабаваў змяніць голас.

Цяпер падазраваны дае прызнальныя паказанні і супрацоўнічае са следствам. Мужчына раней не меў судзімасцяў. Па яго словах, на злачынства яго штурхнула жаданне атрымаць лёгкія грошы.

Фота — podrobnosti.mk.ua