Супраць былога гендырэктара Мінскага мясакамбіната пачалі новую справу
У верасні сёлета суд Мінскага раёна прызнаў Уладзіміра Лазоўскага вінаватым у атрыманні хабару ў буйным памеры — 4000 долараў.
Ён быў асуджаны на 4 гады пазбаўлення волі з канфіскацыяй маёмасці. Лазоўскі віны не прызнаў, заявіў, што стаў ахвярай правакацыі міліцыі. Ён не даў супрацоўнікам аддзела па барацьбе з эканамічнымі злачынствамі бясплатную каўбасу. І за гэта яго, нібыта, падставілі.
За што затрымалі дырэктара Мінскага мясакамбіната?
Рашэнне суда яшчэ не набыло законную сілу, а супраць Уладзіміра Лазоўскага распачалі новую крымінальную справу, на гэты раз за прыпіскі, выяўленыя ў справаздачах прадпрыемства за 2012 год. Дакументы з непраўдзівымі лічбамі адпраўляліся ў аддзел статыстыкі Кастрычніцкага раёна сталіцы, паведамляе "Ежедневник".
Фота — ria.ru
