Стала вядома, калі на вуліцы Мінска вернуцца шэрынгавыя электрасамакаты
У пэўных месцах хуткасць будзе аўтаматычна зніжацца / sb.by
Шэрынгавыя электрасамакаты вернуцца на вуліцы Мінска 15 сакавіка. У новым сезоне карыстальнікаў чакаюць змены ў правілах: самакаты будуць аўтаматычна зніжаць хуткасць у парках, на плошчах і на набярэжных, дзе знаходзіцца шмат пешаходаў.
Вызначаныя скрыжаванні, дзе хуткасць пракатнага самаката будзе зніжацца да 7 км/г, каб пазбегнуць ДТЗ з аўтамабілямі. У спецыяльных зонах хуткасць будзе абмежаваная 15 км/г. А ўвогуле на электрасамакаце немагчыма будзе ехаць хутчэй за 25 км/г.
Парушальнікаў спачатку папярэдзяць, у наступны раз іх чакае штраф, а далей — "блакіроўка карыстальніка".
