Снег, мароз і дождж. Надвор’е ў Беларусі на наступным тыдні
Надвор’е ў Беларусі / Onliner.by
Надвор’е ў Беларусі на наступным тыдні будзе вызначацца ўварваннем халодных паветраных мас арктычнага паходжання — чакаюцца ападкі ў выглядзе мокрага снегу і дажджу.
На дарогах краіны на працягу тыдня, асабліва ў цёмны час сутак, высокая верагоднасць галалёду. Магчымыя інтэнсіўныя ападкі і моцны вецер. Магчыма туман.
Тэмпература паветра ноччу складзе ад -4 да +3 °C. У дзённыя гадзіны тэмпература будзе вагацца ў межах ад -2 да +4 °C. У асобныя суткі, пераважна па паўднёва-ўсходняй частцы краіны, будзе цяплей: ноччу +4…+5 °C, удзень да +8 °C.
